Obxectivos

A problemática dos lumes en Galicia constitúe un complexo crebacabezas onde conflúen aspectos sociais, económicos e ambientais: a desaparición de aproveitamentos agrogandeiros, o alto índice de combustibilidade de moitas masas forestais, o despoboamento e avellentamento do medio rural, a ordenación do territorio, etc.

Ante a perspectiva de que, como consecuencia do cambio climático, as vagas de lumes incrementen a súa frecuencia e impacto cómpre impulsar iniciativas que centren a súa atención nas actividades humanas ligadas a súa orixe.

A nosa proposta: Pór en marcha un proxecto de intervención social que compaxine eficazmente a prevención dos lumes coa dinamización económica e social do medio rural.

Obxectivos do proxecto BATEFOGO

• Reducir o número e o impacto dos lumes forestais.
• Fomentar os usos sustentábeis do monte e a dinamización económica do medio rural.
• Xerar unha nova cultura forestal.
• Pór en valor os elementos patrimoniais e culturais do territorio.
• Promover unha custodia participativa do territorio.

Para saber máis, visita: Proxecto e Metodoloxía.