21 de maio: Foro veciñal en Manzaneda

Foro Veciñal Batefogo Manzaneda. Prevención de lumes a través da participación cidadá

21 de maio de 2016. 10:30 – De 10:30 a 13-30h.  
Centro Cultural de San Miguel (O Penso, 25). Concello de Manzaneda

Desde mediados do ano pasado a equipa do Proxecto Batefogo está a traballar no Concello de Manzaneda. Durante este tempo, avanzouse na recompilación de información necesaria para coñecer a súa realidade biofísica e tamén socioeconómica, co obxectivo último de caracterizar o territorio (recursos naturais e patrimoniais, urbanismo e usos do solo) e analizar o impacto dos incendios sobre el.

O resultado: un estudo do territorio que pretende identificar as causas circunstanciais e estruturais dos lumes, así como cartografar as súas dimensións para localizar os “puntos quentes”, é dicir, aquelas zonas que, pola súa vulnerabilidade ou pola reiteración de incendios, merezan unha maior atención.

Mais os datos oficiais e os estudos científicos, fontes documentais principais deste estudo do territorio, non o son todo. As persoas que habitan o territorio son as que mellor coñecen as súas características e problemáticas e, como consecuencia, boa parte das solucións.

O vindeiro 21 de maio, a veciñanza de Manzaneda está convidada a participar nun Foro no que propomos:

  • Por unha parte, queremos contrastar o estudo do territorio elaborado. Queremos que sexa a veciñanza do concello quen diga o que é correcto e o que non, con que está de acordo e con que non.
  • Por outra parte, a partir deste estudo, poderemos comezar a construír alternativas, propostas de traballo que directa ou indirectamente enfronten a problemática dos lumes.

O foro durará unhas dúas horas e media, aproximadamente, e, se todo vai segundo o previsto, poderemos obter un estudo do territorio consensuado coa veciñanza e unha serie de propostas de traballo que, nun segundo encontro, concretaremos e detallaremos para poder levar á práctica.

O foro quere ser un punto de encontro para todas as veciñas e veciños do Concello de Manzaneda, mais non só iso. Todas as persoas que queiran participar, sexan ou non do concello, fican convidadas tamén a asistir, achegando así a súa visión externa da realidade do concello e as súas propostas.

foro-manzaneda

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s